Богојавление во Преспанско-Пелагониската Епархија

На 19.01.2015 г, кога го празнуваме празникот на Крштевањето на нашиот Господ Исус Христос, митрополитот Преспанско-Пелагониски г. Петар отслужи Божествена Литургија во храмот на „Св. Димитриј“ во Битола.

Пред Литургијата, владиката го пострижа во чтец дипломираниот теолог Златко Ѓоргиевски.

Осветувањето на водите и фрлањето на крстот, владиката го изврши во дворот на соборниот храм, каде на момчето што го фати крстот му беше подарено Свето Писмо.

Истиот ден, Владиката дојде и на брегот на Преспанското Езеро и ги освети водите.