Прославен празникот на Светиот Димитриј во Битола
·Zlatko Divjakovski
На 08.11.2016 г., кога го празнуваме споменот на Светиот Великомаченик Димитриј, Митрополитот Преспанско-пелагониски г. Петар отслужи Божествена Литургија во соборниот храм Св. Димитриј, чиј празник го празнувавме.
На Литургијата, во свештенички чин беше ракоположен протоѓаконот Горан Кутлешовски, кој со својата 15 годишна достојна ѓаконска служба ја заслужи големата почит во народот, кој еднодушно извика: „Достоен, достоен, достоен“!
Господ Бог да му подари многулетно и благодатно служење на Неговата нива, за да се уподоби на Добриот Пастир, ... Кој не престана сè да прави, додека на небо не нè изведе, и Царството Свое идно не ни го дарува.
На многаја и благаја лета!
