Вечерна во храмот Рождество на Пресвета Богородица - Битола

Вечерта, на 20.09.2015 година, во храмот „Рождество на Пресвета Богородица“ беше отслужена празнична Вечерна богослужба по повод раѓањето на Пресветата Владичица.

Со Вечерната чиноначалствуваше архиерејскиот заменик, протоереј-ставрофор о. Никола Грамбозов, а покрај домашниот машки хор „Свети Нектариј Битолски“, гостуваше и ресенскиот црковен хор „Св. Ахил Преспански“.

Величание:

Те величаме Пресвета Дево, ги почитуваме твоите свети родители, и го славиме Твоето сеславно рождество.

Паримија на празникот:

1. Премудроста си изгради дом, ги утврди седумте столбови негови,

2. ги закла своите жртви, го расточи во чаша виното свое и ја приготви трпезата своја;

3. ги испрати слугите свои да огласат од градските височини:

4. „Кој е неразумен, да наврати тука!” И на малоумните таа им рече:

5. „Дојдете, јадете го лебот мој и пијте го виното, што сум го приготвила;

6. оставете ја неразумноста, и ќе живеете; одете по патот на разумот.”

7. Кој поучува бесрамник, ќе си спечали неславност, и кој го разобличува нечестивецот – дамка.

8. Не изобличувај го бесрамникот, за да не те намрази; поучувај го мудриот, и тој ќе те засака.

9. Дај му совет на мудриот, и тој ќе биде уште помудар; научи го праведниот, и тој повеќе ќе напредне во знаењето.

10. Почеток на мудроста е стравот Господов, и познавањето на светиот е разум;

11. зашто преку мене ќе ти се умножат дните, и ќе ти се додадат години на животот.

(Изрек. 9, 1-11)

Поврзано: Храм Пресвета Богородица Битола